Vinteren er i ferd med å gå over i vår, og etter våren kjem sommaren. Først er det påske og som i fjor som året før som osv... skal eg vere hyttevakt. Deretter vert det forhåpentlegvis ei eller to langhelger på ski. Finse er særs aktuelt. Sommaren kjem som sagt etter våren. Der vert det ein langtur på Hardangervidda og ei veke som turleiar i nærare fjellstrok. I tillegg vert det vonleg mange helgeturar i områda både vest og aust for vass-skiljet. Før alt dette håpar eg at heimesida er oppdatert med resten av sommar-/haustturane i 2006. Det vil seie turane til Huldreheimen, Blefjell, Store Soleibotntinden og Bitihorn. Sjå elles loggen for dei siste endringane på sida. Dei siste turane: Gjendebu - Eidsbugarden - Gjendebu 16.-17.9 fram og tilbake, men ikkje same vegen Lundebotnen - Lundeskaret - Sygnesand 26.8 før neddemminga av Trollavatnet Hjerkinn - Høvringen 6.-12.8 gjennom Rondane frå Dovre Haugastøl - Krækkja - Finse - Geiteryggen 31.7-3.8 frå Bergensbanen til Aurlandsdalen Turtagrø - Skogadalsbøen - Hjelle 27.-28.7 ein liten tur ned Utladalen Strandavatnet - Iungsdalshytta - Bjøberg 21.-22.7 forbi skarv og stølar Katterat - Beisfjord 10.-13.7 vandring nord for polarsirkelen