spranget - dørålseter - bjørnhollia - spranget 6.-9. august 2002 Hytte-til-hytte-tur med Stig Omar i eit område eg kun hadde vore ein liten tur i tidlegare. Det var ikkje uventa mykje folk i Rondane, men seng vart det no alle nettene. Dagane var fine òg, blant anna med vitjing av to toppar, Storronden (2138 moh) og Veslesmeden (2015 moh). 6. august, del 1: Spranget - Rondvassbu Seks-sju km på grusveg i ok ver, ei regnbyge på slutten. Fint utsyn mot fjella på båe sider av Rondvatnet (1167 moh) 6. august, del 2: Rondvassbu - Storronden t/r Tidleg ankomst til Rondvassbu, dermed tid til ein topptur før mat. Storronden er ganske keisam å gå på, det er ikkje noko onnort enn ei gigantisk steinrøys. Utsynet var bra, trass i noko skya ver og regnbyger. Toreveret var òg lite morosamt på toppen. Storronden er den nest høgste toppen i Rondane, berre Rondslottet (2178 moh) er høgare 7. august: Rondvassbu - Dørålseter Fin tur i fint ver i etterkvart langstrakt terreng nordover. Diverre var veret heller dårleg på avstikkaren oppom Veslesmeden 8. august: Dørålseter - Bjørnhollia Langglupdalen var flott å vandre gjennom, med nydeleg utsyn mot fjellmassiva rundt. Nordveggen på Rondslottet var vel det mest iaugefallande. Eit torever siste halvanna timen med eit enormt regnskyll gjorde slutten veldig interessant 9. august: Bjørnhollia - Rondvassbu - Spranget Illmanndalen var betre enn ryktet, ved Illmanntjørnin var det faktisk heller flott. Elles var det ein typisk siste-dag-på-tur-dag Kart: 1718 I - Rondane dekkjer det meste av turen med unntak av nokre få kilometer ved Bjørnhollia bilete frå turen (klikk på bileta for større utgåve) Østveggen på Storronden med Høgronden (2115 moh) i bakgrunnen Vinjeronden (2044 moh) og Rondeslottet (2178 moh) med Midtrondane (2060 moh og 2024 moh) bakanfor Rondslottet, Midtrondane og Høgronden Utsyn vestover mot Stor- (2016 moh) og Veslesmeden (2015 moh) Store Sølnkletten (1827 moh) i det fjerne Svartnuten kneisar høgt over Rondvatnet Inst i Jutulhogget Frå Veslesmeden mot Sagtindan (2018 moh) Toppen på Veslesmeden Digerronden (2016 moh) Nordveggen på Rondslottet Høgronden, Midtrondane og Digerronden sett frå Dørålseter Frå Dørålseter mot Vesle- og Storsmeden Veslesmeden Frå Langglupdalen mot Høgronden Storronden, Vinjeronden og Rondslottet sett frå Langglupdalen Rondvatnet og Svartnuten Digerronden, Svartnuten, Rondslottet, Vinjeronden og Storronden Steet (1996 moh), Storsmeden og Veslesmeden